Home ताजा समाचार डहरिया के ए जवाब के बाद अजय चंद्राकर उखड़ गिस

डहरिया के ए जवाब के बाद अजय चंद्राकर उखड़ गिस

297
0
Raging Minister Shiv Dhria on Chandrakar

रायपुर । विधानसभा म श्रम मंत्री शिव डहरिया अउ पूर्व मंत्री अजय

चंद्राकर म आज एक बार फेर टकराव के स्थिति बन गिस. दूनों के बीच तीखी

नोंक-झोंक होइस, जेखर बाद सदन के माहउल कुछु देर  बर गरमा गिस. दरअसल,

प्रस्नकाल म हुडको के जमीन ल लेके देवेंद्र यादव के सवाल के दउरान पूर्व

मंत्री अजय चंद्राकर अपन सीट म खड़े हो गिस अउ कहिन “आप मन के सवाल

मंत्री जी के सर के उपर ले पार हो गिस”…जेखर बाद नाराजगी जतात हुए मंत्री

शिव डहरिया अपन सीट म खड़े हो गिस.अउ कहिन..“आप मन काबर खड़े हो जाथव. आप

मन ल पहिली ले बता डरे हव. आप मन बार-बार खड़ा हो जाथव. मंत्री मैं हव.

मैं जवाब दूं हूं. आप काबर खड़े होवत हव.

 

मंत्री के नाराजगी के बाद अजय चंद्राकर अपन सीट म बइठ गिस. वइसने आघू के

सवाल म श्रम कार्ड ल लेके धरमलाल कौशिक के पूछे गे सवाल के बाद पूरक सवाल

पूछत हुए अजय चंद्राकर ह कहिन “श्रमिक कार्ड ल लोकसेवा गारंटी योजना के

तहत रखेगिस हे, जेखर म 15 दिन के भीतर श्रमिक कार्ड बनना रहिस हे, लेकिन

कतकों के कार्ड 15 दिन के बाद बनिस, का ए अफसर मन के खेलाफ कार्रवाई करे

जाही, जे मन बेरा म कार्ड नइ बनाइस हे”

 

जवाब म एक बार फेर शिव डहरिया अउ अजय चंद्राकर के बीच टकराव के स्थिति बन

गिस. श्रम मंत्री ह तल्ख लहजा म कहिन…” कोन-कोन श्रमिक मन के कार्ड नइ

बने हे, उंखर जानकारी देवव…एक झन भी अइसे नइए. सिरिफ भासन देय ले नइ

होवय”

 

ए जवाब के बाद अजय चंद्राकर उखड़ गिस अउ आसंदी ले मंत्री ल संयमित करे के

मांग करिन. उमन ए तरह के बात दूसर बार करत हे. इहां भासन नइ देवत हन,

बल्कि जानकारी मांगत हन. ए नोंक झोंक ले सदन के माहउल कुछु देर बर गरमा

गिस.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.