Raipur : राहुल गांधी ह मुख्यमंत्री भूपेश बघेल सरकार के तीसरइया न्याय योजना के करही सुरुआत-मोहन मरकाम, पढ़व
जय जोहार…. (Raipur) प्रदेश कांग्रेस अध्यक्ष मोहन मरकाम ह किहीन कि कांग्रेस के पूर्व राष्ट्रीय अध्यक्ष अउ सांसद राहुल गांधी ह मुख्यमंत्री भूपेश बघेल के सरकार के तीसरइया न्याय योजना के सुरुआत करही । राजीव गांधी ग्रामीण भूमिहीन कृषि मजदूर न्याय योजना म पंजीकृत 4 लाख 50 हजार भूमिहीन मजदूर खाता म ग्रामीण व्यवस्था म सहयोगी, कृषि काम के सहयोगी भूमिहीन कृषि मजदूर, लोहार, नाई, ग्राम पुजारी के परिवार ल पहला किस्त जारी करे जाही ।
प्रदेश कांग्रेस अध्यक्ष मोहन मरकाम ह किहीन कि संगेसंग राजीव गांधी युवा मितान क्लब के घलो पहला क़िस्त के रासि जारी करही। राज्य म 13,269 राजीव गांधी मितान क्लब के गठन करे गेहे । (Raipur) राजीव गांधी ग्रामीण भूमिहीन मजदूर न्याय योजना बर 200 करोड़ रुपिया के रासि के प्रावधान करे गेहे। योजना के माध्यम ले ए मजदूर मन ल आर्थिक सहायता प्रदान करे जावत हे, जेखर करा अपन जमीन के एक ठीन छोटा सा टुकड़ा घलो नई हे अउ न ही आय के कोनो आन साधन हे ।
प्रदेश कांग्रेस अध्यक्ष मोहन मरकाम ह किहीन कि चरवाहा, बढ़ई, लोहार, मोची, नाई, धोबी अउ पुरोहित जइसे पारंपरिक काम ले जुड़े मनखे मन ल घलो ए योजना म सामिल करे गए हे। (Raipur) भूमिहीन मजदूर बर सुरु करें गे ये देस के पहला अउ एकमात्र योजना हे। मुख्यमंत्री भूपेश बघेल सरकार के ए महत्वाकांक्षी योजना के पहला किस्त 4 लाख 50 हज़ार भूमिहीन मज़दूर मन ल जारी करे जाही ।
