रायगढ़ कलेक्टर ह बढ़ईस हे जिला के मान, दिल्ली म होही ओखर सम्मान

रायगढ़. बेटी बचाओ-बेटी पढ़ाओ अभियान म सराहनीय काम करे बर रायगढ़ जिला के कलेक्टर यशवंत कुमार ल नई दिल्ली म सम्मानित करे जाही।

बेटी बचाओ-बेटी पढ़ाओ अभियान म 2014-15 ले लेके 2018-19 तक रायगढ़ जिला म सराहनीय काम होय हे, जेखर बर इहां के कलेक्टर ल 7 अगस्त के महिला अउ बाल विकास मंत्रालय के ओर ले नई दिल्ली के विज्ञान भवन म सम्मानित करही।

महिला अउ बाल विकास मंत्रालय के अपर सचिव के मोसेस चलाई ह रायगढ़ कलेक्टर यशवंत कुमार ल पत्र लिखे हे, जेमा बेटी बचाओ-बेटी पढ़ाओ अभियान के क्रियान्वयन के बाद ले लिंग अनुपात म सुधार आए के जिक्र करे हे। आईएएस चलाई के कहिना हे कि ये काम बेहतर प्रदर्शन करइया राज्य अउ जिला ल 7 अगस्त के नई दिल्ली के विज्ञान भवन म सम्मानित करे जाही।