बेमउसम बरसात ह खोलिस विभागीय लापरवाही के पोल…..धियान नइ दिही त सड़ जाही धान

वनीत शुक्ला

मुंगेली। बीते संझा के आए मउसम म बदलाव ह विभागीय लापरवाही के पोल खोल के रख दिस। खुला आकाश के नीचे पड़े धान किसान मन के चिंता अउ अधिकारी मन के  लापरवाही स उजागर कर दिस हे।

राज्य शासन ह किसान मन के धान खरीदी करे बर 15 नवंबर ले 31 जनवरी तक  के तिथि तय करे हे।  मुंगेली जिला म ए बेर सासन के तय लक्ष्य ले कहीं अधिक धान खरीद करे ले गे हे।  ओखर बाद भी खरीदी केन्द्र म धान के आवक तेज हे।  एखर ले संदेह होवत हे के ए धान खरीदी केन्द्र म कोचिया, व्यापारी अउ दूसर परदेस के धान आवत हे।

जानकारी मन ह बताइस के, कतको धान खरीदी केंद्र मन त  ९५% धान अभु तक खरीद हेय हे। अउर 31जनवरी तक ए आंकडा 100% ले आघू निकले के संभावना हवय। ….बम्फर धान खरीदी के कारन कई धान खरीदी केंद्र संदेह के दायरा आ गेहे। ,,,, बिचौलिया अउ व्यापारी मन के सक्रियता  के संग दूसर राज्य  मन ले धान के आवक ले इंकार नइ करे जा सकय।  अइसे लगथे के ए मामला म  जिला प्रसासन के मउन स्वीकृति त नइए। धियान दे के बात हे के जिला प्रशासन  ह धान खरीदी केंद्र म आन लाईन निगरानी करे बर सीसीटीव्ही कैमरा लगाए हे।

मुंगेली धान ख धान के परिवहन नइ होवत हे

खरीदी केंद्र के प्रभारी ह उम्मीद से अधिक धान खरीदे के बात स्वीकार करत हुए कहिन के  खरीदी त हो गे हे लेकिन धान के परिवहन नइ होवत हे, उहें  बारदाना मन के कमी के कारन धान खरीदी प्रभावित होने के बात कहिन।  एखर संगेच 31 जनवरी तक 100 फीसदी से अधिक धान खरीदी के दावा करिस हे।

रख रखाव के समुचित बेवस्था नइए

एक तरफ जिहां बम्फर धान खरीदी होय हो उहें दूसर कोती न त उंखर रख रखाव के समुचित बेवस्था करे गेहे अउ न जिला प्रशासन  ह ए कोती कोनोधियान देवत हे।  बेसमय बारिस ले समस्या के सामना कुछु दिन पूर्व करना पड़िस हे जेखर बाद भी विभाग ह ए कोती कोनो सुध नइ लिस अउ न कोनो ठोस कदम उठाइस हे।  गुरूवार के संझा मउसम म आए बदलाव ले धान मन पानी म भींग गिस। एखर ले किसान मन ल परेसानी उठाय बर पड़त हे। उहें खरीदे धान मन के सड़ जाए ले इंकार नइ करे जा सकय।