Home Uncategorized बीजेपी म रार … का नेता अउ का कार्यकर्ता मचे हवय बवाल

बीजेपी म रार … का नेता अउ का कार्यकर्ता मचे हवय बवाल

294
0
बीजेपी म रार खुल के आघू आवत हे
भाजपा म लोकसभा चुनाव ल लेके होवइया बइठक मन म आंतरिक कलह जमके देखे जात हे

रायपुर। विधानसभा चुनाव म मिले करारी हार के बाद अनुसासन के नाम ले पहिचाने  जावइया बीजेपी म रार खुल के आघू आवत हे। का नेता अउ का कार्यकर्ता बवाल मचे  हुए हे। .

भाजपा म लोकसभा चुनाव ल लेके होवइया  बइठक मन म आंतरिक कलह जमके देखे जात हे।  कोनो अनदेखी, त कोनो मनमानी के आरोप लगावत हे।  पावर सेंटर्स घलो बन गेहे ।  बइठक म वरिष्ठ विधायक अउ पूर्व मंत्री अजय चंद्राकर  ह क्लस्टर प्रभारी, लोकसभा संयोजक अउ प्रभारी  मन के नियुक्ती म सवाल उठाए जात हे। अजय चंद्राकर ह जम के अपन भड़ास निकालिस।

अजय चंद्राकर ह जमके निकालिस भड़ास

छत्तीसगढ़ म बीजेपी, कांग्रेस के आंधी म उड़ गिस। संगठन  कार्यकर्तामन उपर हार के ठीकरा फोड़िस त कार्यकर्ता मन के समर्थन म बाकी वरिष्ठ नेता आ गे। इहीं बीच बइठक कर लोकसभा चुनाव बर  बीजेपी ह तीन क्लस्टर बना दे हे।  अब ए क्लस्टर बवंडर मचाए हुए हे।  गुरुवार जे बइठक होइस ओमा  बड़ ले वोट जीतइया अजय चंद्राकर ह जमके बवाल काटिस अउ भड़ास निकालीस। हालांकि बइठक के बाद उमन कांग्रेस उपर निशाना साधत दिखिन अउ कहिन के मोला जे जुम्मेदारी मिलही ओला निभा हूं।

मीटिंग म नइ आइस बृजमोहन

एती मीटिंग म रायपुर जिला म अपन सीट ल बचइया अउ सबले जादा मत ले  जीत दरज करइया बृजमोहन अग्रवाल  नइ आइस।  माने जात हे के रमन सिंह के कद के हइसियत वाले ए नेता घलो नाराज हवय।  इंखर मीडिया प्रभारी त सोसल मीडिया उपर पहिली ले ही बागी तेवर मन के मुनादी कर चुके हे।  त ए कहि सकत हन के  पावर सेंटर घलो डिवाइड हो गेहे।  उपासने ह घलो मीडिया प्रभारी ल जमके कोसिन हे।

अनिल जैन के पीसी म घलो हंगामा

गुरूवार के दिन के सुरुआत ले ही  भाजपा बर खराब रहिस हे। प्रभारी अनिल जैन जब पीसी ले बर आइस त  पत्रकार मन के संग उलझगे।  श्रीगणेश के संग-संग इतिश्री घलो वइसे ही रहिस।  साफ दिखत  हे के, संगठन म सब ठीक नइ। अगर अइसे ही चलत रह ही त 11 सीट म भाजपा ल  नाकों चना चबवा देंही।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.