chhattisgarh म आज कई जिला म हो सकत हे बारिश, मौसम विभाग ह दीन हे चेतावनी

जय जोहार…. (chhattisgarh) छत्तीसगढ़ के कई जिला म आज मौसम बदल सकत हे, एखर सेती बारिश होय के सम्भावना जताए गे है।स्काईमेट वेदर रिपोर्ट के अनुसार रायपुर समेत कई जगह म बारिश के संग तेज हवा अउ आकाशीय बिजली गिरे के चेतावनी दे हे।

मौसम विभाग के अनुसार (chhattisgarh) रायपुर म आज बिहनिया ले बादर घिरे हे। कुछु जगह म तेज हवा के संग बूंदाबांदी घलो होय हे। आज पूरा दिन मौसम अइसे ही बने रही। उहचे उत्तर पश्चिमी भारत के कई हिस्सा म आज आंधी अउ बारिश होय के संभावना हे।

अवइया तीन-चार दिन तक पूर्वोत्तर भारत म भारी बारिश के सम्भावना जताए गे हे। (chhattisgarh) स्काईमेट वेदर रिपोर्ट के अनुसार प्रदेश म पश्चिमी हवा के संग जादा मात्रा म समुद्र ले नमी घलो आवत हे। ए सेती प्रदेश म एक ले दो स्थान म हल्की वर्षा होय या गरज-चमक के संग छीटें पड़े के संभावना हे ।