बारिश करही होली के मजा ल किरकिरा, छत्तीसगढ़ म कई हिस्सा म बारिश अऊ ओला गिरे के अलर्ट

जय जोहार रायपुर…. होली के मजा ल मौसम किरकिरा कर सकत हे। अगला 24 घंटा म प्रदेश के अलग-अलग हिस्सा म बारिश हो सकत हे। हालांकि सिर्फ छत्तीसगढ़ नई देश के कई राज्य म बारिश के अलर्ट जारी करे गे हे।

मौसम विभाग ह जेन चेतावनी दे हे, ओमा मूसलाधार बारिश के चेतावनी नई हे। मौसम विभाग ह हल्की बारिश के संगेसंग ओला अऊ तेज हवा के अलर्ट करे हे।