Raipur : मुख्यमंत्री भूपेश बघेल ह प्रधानमंत्री नरेन्द्र मोदी ल लिखे हे पत्र, करीन ये आग्रह
जय जोहार। (Raipur ) सीएम भूपेश बघेल ह प्रधानमंत्री नरेन्द्र मोदी ल पत्र लिखे हे। ए पत्र म वोहा ओखर ले मिलेट फसल के उत्पादन, उपभोग ल बढ़ावा अउ एला जन आंदोलन बनाय बर पहल करे के आग्रह करीन हे ।
मुख्यमंत्री ह पत्र म ’राष्ट्रीय खाद्य सुरक्षा अधिनियम’ अन्तर्गत वितरित करे जवइया अनाज, मध्यान्ह भोजन कार्यक्रम, महिला बाल विकास विभाग डहार ले दे जावत पोसण आहार अउ आश्रम-छात्रावास के छात्र मन ल दे जावत रियायती अनाज म 20 ले 25 फीसद मात्रा मिलेट फसल के सामिल करने, केन्द्र सरकार डहार ले राज्य सरकार ल मिलेट फसल के न्यूनतम समर्थन मूल्य म संग्रहण करे के संबंध म निर्णय लेने अउ राज्य सरकार ल रियायती दर म अनाज वितरण अउ पोसण आहार ले संबंधित योजना म उपयोग बर रियायती दर म मिलेट प्रदाय करे के निर्णय ले के आग्रह करे हे ।
मुख्यमंत्री ह पत्र म लिखे हे कि संयुक्त राष्ट्र संघ डहार ले भारत सरकार की पहल म बछर 2023 ल ’अन्तर्राष्ट्रीय मिलेट वर्ष’ घोसित करे गेहे । एनीमिया अउ कुसषण के नियन्त्रण म मिलेट फसल के महत्वपूर्ण भूमिका हो सकत हे । दुर्भाग्य ले विगत बछर म विपणन व्यवस्था के अभाव के सेती देस म मिलेट फसल के उत्पादन म कमी आए हे ।
Other Articles
Raipur : संगठित समाज ही विकास के धारा म आगू बढ़थे : भूपेश बघेल
CM Bhupesh Baghel ह आज कई ठीन कार्यक्रम म होही सामिल, पढ़व
