सबसे सुन्दर और प्रदुषण मुक्त हो रायपुर, शपथ ग्रहण में लिस सब्बो शपथ

जय जोहार रायपुर.. राजधानी रायपुर के शहरी सत्ता के सदस्य मन आज शपथ लीन कि हमन अपन पद के उपयोग जनता के सेवा अऊ अधिकार बर करबो, राजधानी के इनडोर स्टेडियम म नव निर्वाचित महापौर,सभापति अऊ पार्षद मन ल शपथ देवाय गिस, ये मौक़ा म प्रदेश के मुख्यमंत्री स्वयम उपस्थित रिहिस.

सब्बो जनप्रतिनिधि मन भूपेश बघेल ल छेर छेरा के बधाई दिन अऊ रायपुर के विकास म काम करे के संकल्प लिन, शपथ के बाद नवा महापौर एजाज ढेबर ह रायपुर ल साफ़ सुथरा,प्रदूषण मुक्त,साफ़ पानी अऊ मूलभूत सुविधा हेतु काम करे बर पांच सौ करोड़ के मांग करिस, मुख्यमंत्री ह ओला विशवास दिलाइस कि विकास बर पैसा आड़े नई आय.