जय जोहार रायपुर… राजधानी रायपुर म बढ़ते कदम संस्था कोनो परिचय के मोहताज नई हे , जरुरत मंद मन के आघू म हमेशा संस्था के सदस्य मन खड़े रहिके मदद करथे , अंत्येष्ठी बर शव वाहन अऊ लकड़ी के व्यवस्था ले ले के हर सुख दुःख म संस्था सामने आथे, वर्तमान म संस्था द्वारा ” रंग दे ” योजना संचालित करे जात हे जेमा छोटे व्यवसाय करे वाला मन ल १० से ५० हजार तक के मद्दद बिना ब्याज के करे जात हे , बता दन कि अब तक हजार ले भी जादा लोगन मन ल ये मदद के लाभ मिल चुके हे अऊ ओमन अपन जीवन म सुधार लान डरे हे ,
संस्था के अध्यक्ष सुनील आमरानी , पूर्व अध्यक्ष राजू झामनानी , इन्दर डोडवानी अऊ सदस्य पुरषोत्तम विधानी ह बताईस कि छोटे मोटे व्यवसायी मन बर बैंक म कोनो योजना नई रहाय जेखर कारण ओमन ल अपन धंधा ल आघू बढ़ाए म परेशानी होथे जेला देख के ये योजना शुरू करे गे हे , ये योजना बर राशि के व्यवस्था दान के पईसा ले करे गे हे , सबले अच्छा बात ये हे कि संस्था द्वारा ये मदद बिना ब्याज के करे जात हे.
