chhattisgarh: राजभवन ह लहुटाइस विशेष सत्र ल बुलाए के फाइल ल, पढो पूरा खबर

जय जोहार…. (chhattisgarh) राजभवन अऊ सरकार के बीच टकराव ले जुड़े एक अऊ बड़का खबर सामने आवत हे। राजभवन ह विशेष सत्र बुलाये वाला फाइल ल वापस लहुटा दे हे। राज्य सरकार ह दू दिन पहिले राजभवन ल दू दिन के विशेष सत्र बुलाय के फाइल भेजे रिहिन।

सोमवार के ए मामला म (chhattisgarh) संसदीय कार्यमंत्री रविंद्र चौबे ह मीडिया ल बताये रिहिन कि विधानसभा के विशेष सत्र बुलाये जाही। जेखर बर फाइल राजभवन भेजे गे हे। हालांकि किसान मन बर अलग कानून बनाय बर विशेष सत्र बुलाये के फइसला ह पिछिले कैबिनेट के बइठक म हो चुके हे।

आप मन ल बता देन कि (chhattisgarh) बीते 14 अक्टूबर ले सरलघा राजभवन अऊ राज्य सरकार के बीच टकराव के खबर आवत हे। एखर पूरा शुरुआत 14 अक्टूबर के गृहविभाग के बइठक स्थगित होय ले सुरू होय रिहिन, जेन राजभवन म होना रिहिन। ए बइठक म ताम्रध्वज साहू ल शामिल होना रिहिन। लेकिन वो हा क्वारंटीन बतावत हुये बइठक ल स्थगित करा दिस। लेकिन दोपहर म मुख्यमंत्री के बुलाये बइठक म वो हा शामिल होइस।