Corona: राजस्थान के मुख्यमंत्री अशोक गहलोत के कोरोना रिपोर्ट आय हे पाजिटिव, ट्वीट कर दे हे जानकारी

जय जोहार…. (Corona) राजस्थान के मुख्यमंत्री अशोक गहलोत के कोरोना रिपोर्ट पाजिटिव आय हे। ए जानकारी ल सीएम गहलोत ह ट्वीट कर दे हे। राजस्थान कांग्रेस अध्यक्ष गोविंद सिंह डोटासरा ह सीएम अशो गहलोत के जल्दी स्वस्थ होय के कामना करे हे।

सीएम गहलोत ह ट्वीट कर कहिन कि (Corona) कोविड टेस्ट करवाय के बाद मोर रिपोर्ट ह पाजिटिव आय हे। मोला कोनो तरह के लक्षण नई हे अउ मेहा ठीक महसूस करत हों।

बता देन कि राजस्थान म बुधवार के रिकार्ड 16613 नवा कोरोना (Corona) के मामला मिले हे। उहचे 120 मनखे मन के मौत हो गे हे। जबकि 8303 मनखे मन ह बने हो गे हे। राजस्थान में कोरोना के 5 लाख 63 हजार 577 केस हो गे हे।