अंतागढ़ टेपकांड : राजेश मूणत के जमानत याचिका  खारिज

रायपुर : छत्तीसगढ़ के पूर्व मंत्री व भाजपा के नेता राजेश मूणत के जमानत याचिका

कोर्ट ह खारिज कर दीस. बहुचर्चित अंतागढ़ टेपकांड मामला म एफआईआर दर्ज होए के

बाद राजेश मूणत ह अग्रिम जमानत बर याचिका दायर करे रहिस हे.

एखर सोमवार के सुनवाई होईस. सुनवाई के बाद कोर्ट ह जमानत याचिका ल खारिज

कर दीस. कोर्ट ह सुनवाई पूरा होए के बाद फइसला  ल सुरक्षित रखे रहिस हे. सुनवाई

पूरा होए के बाद संझा करीब पांच बजे कोर्ट ह अपन फइसला दिस.

छत्तीसगढ़ के बहुचर्चित अंतागढ़ टेपकांड मामला तेज होवत जात हे. रायपुर के पंडरी

पुलिस ह सोमवार के कोर्ट म केस डायरी पेश करिस. डायरी पेश करे के बाद मामला म

सुनवाई शुरू होईस.

मिले जानकारी म  दुपहर 12 बजे के आस-पास सुनवाई सुरू होईस. विवेक कुमार वर्मा

के कोर्ट म राजेश मूणत के जमानत याचिका म सुनवाई हुोईस. राजेश मूणत के वकील

रमाकांत मिश्रा ह पक्ष रखिस.

एमा कहिन, आगू आए टेप म राजेश मूणत के आवाज नइए. न ही उंखर खेलाफ कोनो

सबूत पेश करे गे हे.  एखर सेती  उमन ल अग्रिम जमानत दे जाए. सुनवाई पूरी होए के

बाद कोर्ट ह जमानत याचिका ल खारिज कर दीस.