Home ताजा समाचार पत्रकार मन के आंदोलन स्थगित..राजीव अग्रवाल ह मांगिस माफी

पत्रकार मन के आंदोलन स्थगित..राजीव अग्रवाल ह मांगिस माफी

328
0
Rajiv Aggarwal asks for forgiveness

रायपुर। रायपुर प्रेस क्लब के बइनर तले चलत आंदोलन 12वां दिन स्थगित हो गिस। भाजपा के रायपुर शहर जिला अध्यक्ष राजीव अग्रवाल ह मंच म आ के सार्वजनिक रूप ले माफी मांगिस। उमन कहिन, जे दोषी 3 कार्यकर्ता हे, उमन ल सात दिन के भीतर निलंबित करे जाही। एमा  पत्रकार मन ह अपन आंदोलन स्थगित कर दिस हे।

 

रायपुर प्रेस क्लब उपाध्यक्ष प्रफुल्ल ठाकुर ह बताइस, यदि उमन अपन कार्यकर्ता ल  निलंबित नइ करही त हमन सात दिन बाद फेर एक बड़का जनांदोलन सुरू करबो। भाजपा कार्यालय म होए मारपीट अउ बदसलूकी म राजधानी के पत्रकार मन बीते 11 दिन ले आंदोलन म रहिन हे।

 

धरना स्थल म बुधवार के राजीव अग्रवाल ह पहुंच के घटना ल लेके पहिली माफी मांगत हुए कहिन, हमर अउ पत्रकार मन के गहरा संबंध हवय। दूनों के संबंध मन म खटास आए हे। ए उचित नइए। ए दउरान राजीव अग्रवाल ह कार्यकर्ता मन के खेलाफ दर्ज कराए गे एफआईआर ल वापस ले म कार्यकर्ता मन ल प्रक्रिया के तहत निलंबित करे के बात कहिन।

 

राजीव अग्रवाल प्रक्रिया के तहत घटना ल लेके जिम्मेदार तीन कार्यकर्ता मन के खेलाफ निलंबन के बात कहे हे। उहें धरना म बइठे पत्रकार मन कहिन के, जे दिन निलंबन हो ही, उही दिन पत्रकार एफआईआर ल लेए के  निरनय करही।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.