राजीव गांधी के जयंती : रमन सिंह ह दीस श्रद्धांजलि

रायपुर । पूरव प्रधानमंत्री राजीव गांधी के जयंती म मुख्यमंत्री रमन सिंह ह श्रद्धांजलि दीस हे। रमन सिंह ह ट्वीट कर के पूरव प्रधानमंत्री राजीव गांधी ल उंखर जयंती म नमन करिन। राजीव गांधी सबले कम उमर म देश के प्रधानमंत्री बनिस हे।
पूरा देस राजीव गांधी ल उंखर जयंती म याद करत हे। राजनीति म रुचि न रखइया राजीव गांधी पूरव प्रधानमंत्री अउ मां इंदिरा गांधी के हत्या के बाद देस के प्रधानमंत्री बनिस। 21 मई 1991 के आम चुनाइ म प्रचार के दउरान उंखर हत्या कर देय गिस। हवाई उड़ान उंखर सबले बड़ जुनून रहिस हे। राजीव गांधी 1968 म इटली के रहइया सोनिया गांधी ले शादी करिस। राहुल अउ प्रियंका गांधी उंखर दू लइका हे। राजीव गांधी आधुनिक सोच रखइया पीएम रहिस हे। राजीव भारत ल अन्य देश मन के तरह तकनीक ले परिचित करना चाहत रहिस हे। भारत म कंप्यूटर ल उंखर देन कहे जात हे।