” राखी के पिरित ” भाई बहिनी के अटूट प्रेम के कहानी , जल्द आही सिनेमाघर म

जय जोहार रायपुर… जी पी सांडे द्वारा निर्मित छत्तीसगढ़ी फिलिम राखी के पिरित जल्द सिनेमाघर म रिलीज होही , ये फिलिम म भाई बहिनी के प्रेम ल बखूबी दर्शाय गे हे , एमा आप मन ल रमेश चौहान ,अंजना दास गुप्ता , रामभरोसे निराला अऊ पूजा बनसोड के बेजोड़ अदाकारी देखे ल मिलही , कर्णप्रिय गीत संगीत ले सजे ये एक पारिवारिक छत्तीसगढ़ी फिलिम आय ,

जी पी सांडे ह बताइस कि भाई बहिनी के बीच जेन प्यार होथे ओला ये फिलिम म बहुत अच्छा ढंग से प्रस्तुत करे के कोशिश करे गे हे अऊ हमन ल उम्मीद हे कि ये फिलिम दर्शक मन ल जरुर पसंद आही, फिलिम के मुख्य कलाकार मन ल ये फिलिम के बेसब्री ले इन्तेजार हे काबर कि ओमन एमा बहुत मेहनत करे हे , उम्मीद हे कि अवैय्या राखी म एला प्रदर्शित करे जाहि .