राखी बांधे बर बहिनी मन 8 बजे ले 3 बजे तक जा पाही जेल 7 तारीख ले शुरू हे पंजीयन

दीपक्बवंकर@रायपुर रक्षाबंधन अईसे तिहार हे जेला निभाय बर हर भाई बहिनी ह साल भर अगोरा करेथे । कई अईसे बहिनी मन घलोक हावे जेखर भाई मन जेल म सजा काटत हे ऊंखर मन बर जेल प्रशासन ह राखी के दिन सुबह 8 बजे ले 3 बजे तक के समय निर्धारित करे हे । एखर बर कोन बहिनी जेल भीतरी म जाही तेखर पंजीयन 7 तारीख ले शुरू हे अउ ये ह 14 तारीख तक चलही।

राखी के दिन बहिनी मन ल सुरक्षा घेरा ले गुजरना पड़ही उंखर मिठई के जांच घलोक होही , जेल प्रशासन ह केहे हे कि एमा बहिनी मन सहयोग करे अउ जेल प्रशासन के व्यवस्था बनाए म मदद करे। राखी बांधे बर अवईय्या बहिनी मन ल पहचान पत्र संग में लाना अनिवार्य हे।