छत्तीसगढ़ म कम नई रिहिस सुषमा स्वराज के लोकप्रियता.. का कहे रिहिस इहां अपन आखिरी भाषण म…?

रायपुर. भाजपा के मुखर नेत्री अऊ पूर्व केंद्रीय मंत्री सुषमा स्वराज के लोकप्रियता छत्तीसगढ़ म कम नई रिहिस। इहां ओखर चाहने वाला मन संख्या बड़ रिहिस। ओमन ह आखिरी बार 10 नवंबर, 2018 म पहुंचे रिहिन। रायपुर म एम्स के स्थापना घलो सुषमा स्वराज ह करे रिहिन।

साल 2018 म जब ओमन चुनाव ले पहिली भाषण देत रिहिन तब कहिन कि छत्तीसगढ़ के खाद्यान्न योजना के गूंज में ह संयुक्त राष्ट्र म सुने हों। ओमन कहे रिहिन कि मोर ले विदेश म पूछे जाथे कि भारत म कोन से प्रदेश हे जिहां मनखे म भूखा नई सोए त मोर मुंह ले निकलथे कि छत्तीसगढ़। सुषमा स्वराज ल के हजारों फैन रायपुर म घलो हे।

छत्तीसगढ़ म साल 2004 म सुषमा स्वराज ह इहां के लोगन मन ल एम्स के सौगात दे रिहिन। ओमन केंद्रीय स्वास्थ्य मंत्री के रूप म ए तोहफा छत्तीसगढ़ ल दे रिहिन। रायपुर म सुषमा स्वराज के लोकप्रियता के बड़का उदाहरण तब सामने आईस जब ओखर किडनी खराब होए के स्थिति म रायपुर के एक महिला ह अपन किडनी दे बर तियार हो गे रिहिन। जनता कॉलोनी गुढ़ियारी निवासी टिना अपूर्वा पति राजेश ह स्वेच्छा ले अपन किडनी दे के सुषमा के जान बचाए के इच्छा जताए रिहिन।