रायपुर। कांग्रेस के राष्ट्रीय अध्यक्ष राहुल गांधी 17 अउ 18 मई ल छत्तीसगढ़ के दउरा म रहही। रायपुर ले दुर्ग तक 150 ले जादा जगा मन म राहुल गांधी के भव्य स्वागत के तइयारी करे गेहे। येखर बर कई नेतामन ल जिम्मेदारी ल सउपे गेहे। उहें राहुल गांधी के कोटमी अउ सीतापुर के सभा म आदिवासी अउ किसान मन उपर विशेष नजर रहही।
कांग्रेस के राष्ट्रीय अध्यक्ष राहुल गांधी के रैली बर कांग्रेस ह तइयारी सुरू कर दीस हे। राहुल गांधी करीब 5 घंटा तक ले दुर्ग ले रायपुर तक रइली करही। राहुल गांधी के दुर्ग आगमन ल लेके एसपीजी के टीम ह रविशंकर स्टेडियम म निरीक्षण करिस हे। येखर अलावा कांग्रेस के नेता मन घलो लगातार सभा स्थल के दउरा कर रहत हे।