रमन सिंह ह कर्नाटक अऊ उत्तरप्रदेश ले घलो ट्रेन के अनुमति ल देवा दे – शैलेश नितिन त्रिवेदी
जय जोहार…. जम्मू कश्मीर ले श्रमिक मन बर ट्रेन के अनुमति ल दिलवाये के कथित प्रयास ल प्रदेश कांग्रेस संचार विभाग के प्रमुख शैलेश नितिन त्रिवेदी ह डॉ. रमन सिंह के राजनीतिक हथकंडा करार दे हे। वो हा कहिन कि अगर ओखर अतका सुनवाई होवत हे, त दू अऊ भाजपा शासित राज्य ह छत्तीसगढ़ बर ट्रेन के अनुमति दे म आनाकानी करत हे, वो राज्य ले घलो अनुमति देवा दे।
वो हा कहिन कि केंद्र के ओर ले पहिले त रेलमंत्री पीयूष गोयल ह गलत बयान जारी कर के राजनीति करिन, अब जबकि ए झूठ के कलई ह खुल गे हे, त डैमेज कंट्रोल बर डॉ. रमन सिंह ह ट्रेन के अनुमति दिलवाये के बात करत हे। रमन सिंह ह सच म छत्तीसगढ़ के श्रमिक मन के हितैषी हे त वे कर्नाटक अऊ उत्तरप्रदेश ले घलो ट्रेन के लंबित अनुमति ल दिलवाये के पहल करे।
