भोरमदेव मंदिर म सपरिवार पहुंचिन रमन सिंह

कवर्धा। राजधानी रायपुर म संचार क्रांति योजना के सुरुआत करे के बाद मुख्यमंत्री रमन सिंह, पत्नी वीणा सिंह, बेटा अभिषेक सिंह अउ पोती के संग कवर्धा स्थित भोरमदेव मंदिर पहुंचिन। मंदिर म सहो झन ह पूजा-अरचना कर के आसीरवाद लिस।
मुख्यमंत्री रमन सिंह सावन के महीना म भोरमदेव मंदिर पहुंचना नइ भूलय। ये दफा घलोक मुख्यमंत्री रमन सिंह ह संचार क्रांति योजना के उद्घाटन करिन अउ परिवार के संग सीधा कबीरधार जिला के भोरमदेव मंदिर पहुंच गे। मुख्यमंत्री रमन सिंह ह सावन के पहिली सोमवार म पत्नी वीणा सिंह, बेटा अभिषेक सिंह अउ पोती के संग भगवान के दरसन करिन अउ पूजा-अरचना कर प्रदेस के खुसहाली के कामना करिन।