पूर्व सांसद श्री रमेश बैस बनगें त्रिपुरा के राज्यपाल..छह बार के सांसद ला टिकट नई दे रिहिस भाजपा

रायपुर। छत्तीसगढ़ म भारतीय जनता पार्टी के वरिष्ठ नेता अउ रायपुर के पू्र्व सांसद श्री रमेश बैस ला त्रिपुरा के राज्यपाल बनाए गे हे।

रायपुर ले 6 बार सांसद रेहें श्री रमेश बैस ला भाजपा हा लोकसभा चुनाव म टिकट नई दे रिहिस।

ताजा समाचार हे कि देश के कई राज्य के राज्यपाल बदल दे गे हें। मध्यप्रदेश के राज्यपाल आनंदी बेन पटेल ला उत्तर प्रदेश के नवा राज्यपाल बनाए गे हे।

उंकर जगह राज्यपाल लालजी टंडन ला मध्यप्रदेश के नवा राज्यपाल बनाए गे हे। टंडन बिहार के राज्यपाल रह चुके हें।

बिहार के नया राज्यपाल फागू चौहान ला बनाए गे हे। उहें बंगाल के राज्यपाल ला घलो बदल दिये गे हे। पश्चिम बंगाल के राज्यपाल जगदीश धनकड़ ला बनाए गे हे।