रायपुर। बीजेपी ह लोकसभा चुनाव के तइयारी सुरू कर दे हे। एला लेके पार्टी के केंद्रीय नेतृत्व ह 7 कार्यक्रम तय करे हे। ए कार्यक्रम मन ले जनता ले सोझे संपर्क करही। एखर संगेच लोगन ल पार्टी के विचारधारा ले जोड़ही। ए कार्यक्रम मन ल लेके बीजेपी प्रदेस प्रभारी अनिल जैन ह पार्टी पदाधिकारी मन के संग बइठक करिन। उमन बताइन के, ए कार्यक्रम मन ले समाज के सबो वर्ग मन ल जोड़े जाही। ए कार्यकर्म मन म केंद्रीय मंत्री घलो सामिल रहही।
लोकसभा चुनाव ल लेके होवत ए कार्यक्रम म बुद्धिजीवी सम्मेलन, युवा संसद, कमल ज्योति अभियान, मोटर साइकिल रइली, लाभार्थी संपर्क योजना, मेरा परिवार भाजपा परिवार अउ समर्पण दिवस जइसे आयोजन करे जाही। ए आयोजन मन बर अनिल जैन ह 11 लोकसभा प्रभारी ल एखर जवाबदारी देहे। एखर संग ही क्लस्टर अउ कार्यक्रम प्रभारी सहित तमाम लोगन ल घलो अलग अलग कार्यक्रम मन के जवाबदारी दे गेहे।
राजनाथ सिंह अउ रघुवर दास रहही मवजूद
आगामी 11 फरवरी के पंडित दीनदयाल उपाध्याय के पुण्यतिथि म भाजपा नमो एप के माध्यम ले कार्यकर्ता मन ले 5 रुपिया लेके 1000 रुपिया तक के समरन लेही। ए मउका म केंद्रीय मंत्री राजनाथ सिंह अउ झारखंड के मुख्यमंत्री रघुवर दास घलो उपस्थित रहही।
Other Articles
Next
January 25, 2019
किसान मन निकालिस रइली…..दीन उग्र आंदोलन के चेतावनी …….. वजह जानव
Previews
January 25, 2019
बीजेपी म रार … का नेता अउ का कार्यकर्ता मचे हवय बवाल
No Comment! Be the first one.