संत रविदास जयंती मनाए जाही 9 के, शोभायात्रा अउ रैली घलो निकलही

जय जोहार रायपुर… संत रविदास के जयंती ह रविवार को मनाए जाही। ए मउका म छत्तीसगढ़ मेहर समाज केंद्रीय समिति अउ प्रदेश युवा संगठन ह राजधानी म शोभायात्रा अउ रैली निकालही।

प्रदेश युवा अध्यक्ष तुलसी दौड़िया ह बताइन कि संत रविदास मंदिर, कमासीपारा म बिहनिया 11 बजे ले पूजा-अर्चना करे के बाद शोभायात्रा ल निकाले जाही। ए शोभायात्रा ह अलग-अलग रद्दा ले होवत अंबेडकर चौक म समाप्त होही।

ए कार्यक्रम म मुख्य अतिथि के रूप म मंत्री शिव डहरिया, विधायक बृजमोहन अग्रवाल अउ महापौर एजाज ढेबर शामिल होही। अध्यक्षता समाज के प्रदेश अध्यक्ष खिलावन बघेल ह करही। विशेष अतिथि पार्षद सीमा कंदोई अउ दीपक जायसवाल रही।