बलौदाबाजार जिला म आठ पद बर अतिथि शिक्षक मन के निकले हे भर्ती, आठ जुलाई तक कर सकथे आवेदन

जय जोहार…. आदिम जाति अऊ जनजाति विभाग के माध्यम ले संचालित एकलव्य आदर्श आवासी विद्यालय सोनाखान (बल्दाकछार) म रिक्त आठ पद बर अतिथि शिक्षक मन के भर्ती निकले हे। जेखर बर आवेदन ल मंगाए गे हे अऊ 8 जुलाई तक निर्धारित प्रारूप म आवेदन ल जमा कर सकथे।
सहायक आयुक्त आरएस भोई ह बताइस कि शैक्षणिक सत्र 2020-21 बर आठ पद म अंग्रेजी 2, गणित 2, विज्ञान 1, हिंदी 1, समाजिक विज्ञान 1, शारीरिक शिक्षा 1 के अतिथि शिक्षक बर आवेदन मंगाए गे हे। आवेदक भर्ती बर पात्रता, शर्त, आवेदन के प्रारूप अऊ जियादा जानकारी बर कार्यालय आयुक्त आदिवासी विकास बलौदाबाजार-भाटापारा कक्ष क्रमांक 6 अऊ जिला के वेबसाइट म जा के घलो विस्तृत जानकारी ले सकत हे।