अश्लील सीडी कांड म सीबीआई के बड़े कार्रवाई

रायपुर । छत्तीसगढ़ के अश्लील सीडी कांड म सीबीआई ह शनिवार के बड़े कार्रवाई करिन हे। सीबीआई के टीम ह मुंबई म एक वीडियो संचालक के स्टूडियो म छापा मारिस हे। बताये जात हे कि अश्लील सीडी के टेंपर्ड करे के काम स्टूडियो म करे गिस हे।
सीबीआई के उच्च पदस्थ सूत्र मन के कहिना हे कि सीडी म चेहरा बदले के एवज म लाखों रुपिया के डील होइस हे। ये डील छत्तीसगढ़ के एक भाजपा नेता अउ एक बड़े रसूखदार कारोबारी ह करिन हे। सीबीआई के टीम मुंबई ले दस्तावेज लेके शनिवार शाम के रायपुर लउट सकत हे। सीबीआई के सूत्र मन बताइन कि कैलाश मोरारका ह सरकारी गवाह बने के पेशकश करिन हे, लेकिन सीबीआई ह येकर ले इनकार कर दिस।
येती सेक्स सीडी मामला म अब हर दिन एक नवा मोड़ आवत हे। अब तक सीबीआई ह जेन लोगन मन ले पूछताछ करिन हे ओकर आधार म सीबीआई ल अहम सबूत मिलिस हे। जेकर आधार म जल्दी ही सीबीआई कोर्ट म चार्जशीट पेश कर सकत हे। ये मामला म रिंकू खनूजा के मउत ह घलोक कई ठन राज़ खोल दिस हे। सूत्र मन के मानना त सीबीआई अब सिर्फ अउ सिर्फ सीडी बनाइया अउ बेचइया मन उपर शिकंजा कसे म जुट गे हे। ये मामला म 4 अहम लोगन ले सीबीआई के पूछताछ म CD केती अउ कउन लोगन ह बनाइस हे येकर खुलासा हो चुके हे। येकर संग ही CD रायपुर म कौन लेके आइस हे,कउन मन टेंपरिंग करिलस अउ CD ल मार्केट म खपाय के करोड़ मन के दांव कउन-कउन लोगन मन के बीच खेले गिस हे ये बारे म घलोक अहम जानकारी मन मिल चुके हे।