छत्तीसगढ़ म डिस्टिलरीज अऊ समूह के महिला मन ह करिस एक लाख 79 हजार सेनिटाईजर के निर्माण, लोग मन ल मिलिस राहत
जय जोहार रायपुर…. मुख्यमंत्री भूपेश बघेल के निर्देशन म कोरोना संक्रमण के रोकथाम बर प्रदेश म पर्याप्त मात्रा म सेनिटाईजर के उपलब्धता सुनिश्चित करे बर स्वास्थ्य विभाग के तकनीकी सहयोग ले प्रदेश म सात डिस्टिलरीज अऊ 9 जिला म 23 महिला स्वसहायता समूह मन ह अब तक एक लाख 79 हजार 167 लीटर सेनिटाईजर के निर्माण कर चुके हे। एमा ले एक लाख 45 हजार 777 लीटर सेनिटाईजर नि:शुल्क अऊ किफायती दर म वितरित किए जा चुके हे। एखर ले महामारी रोके म काफी मदद मिले हे।
रायपुर जिला म न्यू पुरैना रायपुर म चार कर्मचारी मन ह 12 हजार 275 लीटर, मेसर्स ट्रांसप्लेक्स जवाहर नगर म 10 कर्मचारी मन ह 17 हजार 480 लीटर अऊ मेसर्स ओपीजी फार्मा सिलतरा म 14 कर्मचारी मन के तरफ ले 750 लीटर सेनिटाईजर के निर्माण करे गे हे। अइसनहे राज्य ग्रामीण आजीविका मिशन के तहत बलौदाबाजार जिला म छह रायगढ़ जिला म पांच, दंतेवाड़ा जिला म तीन अऊ धमतरी, सरगुजा, जांजगीर, सूरजपुर के संगेसंग कबीरधाम जिला म एक-एक स्व सहायता समूह मन के तरफ ले स्वास्थ्य विभाग के सहयोग ले 604 लीटर सेनिटाईजर के निर्माण करे गे हे।
