जय जोहार रायपुर…. मुख्यंमत्री भूपेश बघेल ह प्रधानमंत्री नरेंद्र मोदी ल पत्र लिखे हे। एमा मुख्यमंत्री बघेल ह महात्मा गांधी राष्ट्रीय रोजगार गारंटी योजना के तहत वित्तीय वर्ष 2020-21 के प्रथम तीन महीना के मजदूरी एक हजार 16 करोड़ रूपिया ल केंद्र ले शीघ्र जारी करे के आग्रह करे हे। पत्र म लिखे हे कि ए योजना ग्रामीण अर्थव्यवस्था के आधारभूत संगठक मन म एक महत्वपूर्ण घटक हे।
मुख्यमंत्री ह कहिन कि श्रमिक मन ल ए योजना म समय म भुगतान नई मिले म घलो कार्य म न आए के एक बड़ा कारण हे। मुख्यमंत्री ह प्रधानमंत्री ल अवगत कराइस कि वर्तमान म ए योजना के अंतर्गत छत्तीसगढ़ म 484 करोड़ रूपिया के मजदूरी भुगतान ह लंबित हे। ए विपरीत परिस्थिति म लंबित मजदूरी के भुगतान किए जाना आवश्यक हे। संगेसंग वित्तीय वर्ष 2020-21 के राज्य बर प्रथम त्रैमासिक स्वीकृत लेबर बजट 534.73 लाख मानव दिवस के मजदूरी, राज्य बर स्वीकृत दैनिक मजदूरी दर 190 के मान ले कुल राशि 1016 करोड़ रूपिया राज्य ल शीघ्र जारी करे के अनुरोध करे हे।
No Comment! Be the first one.