राजधानी म रिटायर्ड फौजी ह पड़ोसी के कार म चलईस गोली, गिरफ्तार

रायपुर। राजधानी के पॉस इलाका म दिनदहाड़े गोली चले ले सनसनी फैल गिस। कार पार्किग के मामूली विवाद म रिटायर्ड मिलिट्री मैन ह गोली चला दिस। घटना मंगलवार मंझनिया 1 बजे के बतात हे।
जानकारी के मुताबिक शंकर नगर सेक्टर एक म रहैय्या 73 साल के अरूण बाजपेयी इंडियन आर्मी ले रिटायर हे।

विवाद तब होईस जब कुसुम काटजू ह अपन गाड़ी ल पार्किग म खडा करत रिहिस, ताहन अरूण अउ कुसुम के बीच विवाद हो गिन। एकर बाद आरोपी अरूण ह बंदूक निकाल के कुसुम के गाड़ी ऊपर चला दिस। गोली गाड़ी के पाछु कांच म लगिस हे। ये घटना म कोनो हताहत नई होय हे। सूचना मिलस ताहन मौका म पहुंच के थाना प्रभारी सुशांत बनर्जी ह आरोपी ल गिरफ्तार करिन है। संगे-संग ओखर रायफल ल घलो जब्त करिस हे।