Chhattisgarh: राजस्व मंत्री जयसिंह अग्रवाल ह लगवाइन हे कोरोना के दुसरइया टीका

जय जोहार…. प्रदेस (Chhattisgarh) के राजस्व अउ आपदा प्रबंधन मंत्री जयसिंह अग्रवाल ह आज रईपुर के पंडित जवाहर लाल नेहरू मेडिकल कॉलेज अस्पताल म पहुंच के कोरोना वैक्सीन के दुसरइया डोज लगवाइन हे। टीका ल लगाय के बाद मंत्री जयसिंह अग्रवाल ह करीबन आधा घंटा चिकित्सक मन के निगरानी म रिहीन।

ए मउका म मंत्री जयसिंह अग्रवाल ह प्रदेस के सबो मनखे मन ले कोरोना ले सुरक्षित रहे बर अनिवार्य रूप ले कोरोना वैक्सीन के टीका लगवाय के अपील करे हे। (Chhattisgarh) वो हा किहीन कि प्रदेस के सबो जगह म कोरोना के टीका मुफत लगाय जात हे।

(Chhattisgarh) वो हा किहीन कि कोरोना टीका ल लेके कोनो तरह के संसय ल मन म नई पाले। सुनी-सुनाई बात अउ अफवाह म धियान न दे। कोरोना वैक्सीन ह सुरक्षित हे। कोरोना संक्रमण अउ बीमारी के गंभीर स्थिति ले बचे बर टीका लगवाना ही सबले सुरक्षित अउ प्रभावी विकल्प हे।