`इही स्थिति रहही त लोकसभा चुनाव म घलो अइसने ही दुरगती होना तय हे`

भाजपा कार्यकर्ता मन ह समीक्षा बइठक म सौदान  अर  डॉ. रमन उपर उतारिन गुस्सा

रायपुर। छत्तीसगढ़ भाजपा ह विधानसभा हार के समीक्षा करे बर  29 जिल मन म अलग-अलग बइठक बुलाय रहिस हे। ए बइठक मन म कार्यकर्ता मन ह जमके भड़ास त निकालीस ही, संगे-संग प्रदेश नेतृत्व ल लेके  घलो सवाल  उठाइन।

प्रदेसश भाजपा ह अपन 29 जिला म  बइठक लेय बर अलग-अलग नेता मन ल जिम्मेदारी देय रहिन हे।  कार्यकर्ता मन के निसाना  म सबले जादा राष्ट्रीय सहसंगठन मंत्री सौदान सिंह रहिन। दूसर नंबर म पूर्व मुख्यमंत्री डॉ रमन सिंह ल घलो कार्यकर्ता मन ह आड़े हाथ लिन।अमूमन हर जिला के समीक्षा बइठक म कार्यकर्ता खुलके प्रदेश नेतृत्व के खेलाफ विरोध जताइन हे। उंख कहिना हे के बड़ नेता केवल हैलीकॉप्टर म बइठ के आवत रहिन हे अउ कार्यकर्ता मन ले  बात करे बगैर वापिस लउहूट जात रहिन हे।

विधानसभा चुनाव म मिले हार के बाद भाजपा के छोटे-छोटे कार्यकर्ता तक अपन भड़ास निकालत हवय। समीक्षा बैठक कार्यकर्ता मन के कहिना हे के चुनाव के दउरान हमार  नइ सुने गिस। पार्टी म गुटबाजी चरम रहिस हे। स्थानीय पदाधिकार मन त  रमन सरकार ल प्रदेस के सबले भ्रष्ट सरकार तक कह डालिन। प्रदेश के वरिष्ठ भाजपा नेता बालमुकुंद शर्मा  ह कहिन के , पार्टी नेतृत्व चुनाव बर मानसिक रूप ले तइयार नइ रहिस हे।  टिकट बंटवारा म हमार अउ कार्यकर्ता मन के सुने ही नइ गिस।  15 साल ले पार्टी के प्रति समर्पित कार्यकर्ता मन ऊपर दूसर राज्य मन ले आए कार्यकर्ता हावी रहिन अउ इहीं  स्थिति रह ही  त लोकसभा चुनाव म घलो अइसन  दुरगती होना तय हे।

प्रदेश के कार्यकर्ता मन के उपेक्षा

बइठक म पार्टी के दूसर प्रदेश मन ले बुलाए गए कार्यकर्ता ह स्थानीय लोगन ले  जादा  तवज्जों नइ दे जाए के बता कहिन हे। उत्तराखंड अउ ओडिशा ले आए कार्यकर्ता मन के  आघू प्रदेश के कार्यकर्ता मन के जमके उपेक्षा होइस हे। एखर बर डॉ. रमन सिंह अउ धरमलाल कौशिक सोझे तउर म जुम्मेदार हे। उमन कहिन के एसपी अउ कलेक्टर हमार बेइज्जती करत रहिन अउ नेता मन ह कुछु घलो नइ कहिन। जिला पदाधिकारि मन के  बइठक म पीएसओ कार्यकर्ता मन ल धक्का देके निकलत रहिन हे।  काबर के डॉ रमन सिंह नाम के सीएम रहिगे  रहिन हे। उंखर जगा अमन सिंह सीएम बनगे रहिन हे।