kondagaon district के सिंचाई परियोजना बर होय हे 13 करोड़ रुपिया स्वीकृत, पढ़व
जय जोहार। छत्तीसगढ़ सासन ह कोण्डागांव जिला (kondagaon district) म आने आने सिंचाई परियोजना के निर्माण अउ सुधार काम बर 13 करोड़ 50 लाख 27 हजार रुपिया के प्रसासकीय स्वीकृति ल प्रदान करे हे । ए योजना के पूरा होय ले 769 हेक्टेयर क्षेत्र म सिंचाई के सुविधा मिल सकही।
कोण्डागांव जिला (kondagaon district) के विकासखण्ड-केशकाल के खालेमुरवेण्ड जलाशय, नहर सुधार अउ लाईनिंग काम बर दो करोड़ 99 लाख 07 हजार रुपिया के प्रसासकीय स्वीकृति ल प्रदान करे गेहे । ए योजना के पूरा होय ले 165 हेक्टेयर क्षेत्र म सिंचाई के सुविधा मिल सकही। विकासखण्ड-बड़ेराजपुर उरिदागांव जलाशय के नहर सुधार अउ लाईनिंग काम बर दो करोड़ 96 लाख 15 हजार रुपिया के स्वीकृति दे गेहे । ए योजना के पूरा होय ले 364 हेक्टेयर क्षेत्र म सिंचाई के सुविधा मिल सकही। विकासखण्ड-माकड़ी के भेलवापारा ले डोंगरीपारा मार्ग म स्टापडेम सह पुलिया निर्माण काम बर दो करोड़ 84 लाख 65 हजार रुपिया के स्वीकृति दे गेहे । ए योजना के पूरा होय ले 75 हेक्टेयर क्षेत्र म सिंचाई के सुविधा मिल सकही।
अइसने कोण्डागांव जिला (kondagaon district) के विकासखण्ड-कोण्डागांव के बुडरानाला म स्टापडेम निर्माण काम बर दो करोड़ 45 लाख 60 हजार रुपिया के स्वीकृति दे गेहे । ए योजना के पूरा होय ले 50 हेक्टेयर क्षेत्र म सिंचाई के सुविधा मिल सकही। विकासखण्ड-बस्तर के माता मंदिर के पास पखनाकोंगेरा एनीकट निर्माण काम बर दो करोड़ 24 लाख 80 हजार रुपिया के स्वीकृति दे गेहे। ए योजना के पूरा होय ले 115 हेक्टेयर क्षेत्र म सिंचाई के सुविधा मिल सकही।
