Janjgir-Champa District के सिंचाई परियोजना बर होय हे 24 करोड़ रुपिया स्वीकृत, 18 हजार 800 हेक्टेयर ले जादा क्षेत्र म मिलही सिंचाई के सुविधा

जय जोहार। छत्तीसगढ़ सासन ह जांजगीर-चांपा जिला (Janjgir-Champa District) म आने आने सिंचाई परियोजना के निर्माण अउ सुधार काम बर 24 करोड़ 12 लाख 48 हजार रुपिया के प्रसासकीय स्वीकृति ल प्रदान करे हे। ए योजना के पूरा होय ले अठारह हजार आठ सौ इक्यान्बे हेक्टेयर क्षेत्र म सिंचाई के सुविधा मिल सकही।

जांजगीर-चांपा जिला (Janjgir-Champa District ) के विकासखण्ड-जैजैपुर अंतर्गत लोकलनाला म कंचनपुर स्टापडेम निर्माण बर एक करोड़ 99 लाख 92 हजार रुपिया के प्रसासकीय स्वीकृति प्रदान करे गेहे । ए योजना के पूरा होय ले 58 हेक्टेयर क्षेत्र म सिंचाई के सुविधा मिल सकही। जिला के हसदेव बांगो परियोजना के अंतर्गत घोघरा वितरक नहर के क्षतिग्रस्त सी.सी लाईनिंग के पुननिर्माण काम, कोलाबा फिक्सिंग अउ फिलिंग रीच म टो-वाल के निर्माण काम अउ मिट्टी के काम बर एक करोड़ 23 लाख 14 हजार रूपया के प्रसासकीय स्वीकृति प्रदान करे गेहे। ए योजना के पूरा होय ले 1104 हेक्टेयर क्षेत्र म सिंचाई के सुविधा मिल सकही।

(Janjgir-Champa District ) विकासखण्ड-सक्ती के अंतर्गत हसदेव बांगो परियोजना के सक्ती शाखा नहर के अंतर्गत सरहर माईनर, लछनपुर माईनर, दर्री माईनर, भागोडीह माईनर अउ दुरपा माईनर के नहर के सी.सी लाईनिंग अउ फिलिंग क्षेत्र म टो-वाल निर्माण काम बर दो करोड़ 97 लाख 47 हजार रुपिया के प्रसासकीय स्वीकृति ल प्रदान करे हे। ए योजना के पूरा होय ले 1118 हेक्टेयर क्षेत्र म सिंचाई के सुविधा मिल सकही।

विकासखण्ड-सक्ती अंतर्गत हसदेव बांगो परियोजना के अंतर्गत पुटेकेला उप वितरक नहर के क्षतिग्रस्त सी.सी. लाईनिंग पुननिर्माण काम, कोलाबा फिक्सिंग अउ फिलिंग रीच म टो-वाल का निर्माण काम अउ मिट्टी के काम बर एक करोड़ 71 लाख 52 हजार रुपिया के स्वीकृति ल प्रदान करे गेहे। ए योजना के पूरा होय ले 573 हेक्टेयर क्षेत्र म सिंचाई के सुविधा मिल सकही।

जिला के खरसिया शाखा नहर के कुरदा वितरक नहर अंतर्गत लीमगांव माईनर, पीहरीद माईनर नवागांव माईनर रबेली माईनर म क्षतिग्रस्त सी.सी. लाईनिंग अउ केनाल बैंक रेजिंग काम बर दो करोड़ 60 लाख 69 हजार रुपिया के प्रसासकीय स्वीकृति ल प्रदान करे हे। ए योजना के पूरा होय ले 3968 हेक्टेयर क्षेत्र म सिंचाई के सुविधा मिल सकही।