chhattisgarh : मछली पालन ले बाढ़गे आमदनी, सपना होवत हे पूरा, पढ़व
जय जोहार। छत्तीसगढ़ (chhattisgarh ) म नवा सरकार के गठन के बाद जनकल्याणकारी नीति ह आर्थिक रूप ले कमजोर वर्ग बर घलो आदमनी बढ़ाय के नवा द्वार खोल देहे । एखर बानगी गरियाबंद के फिंगेश्वर विकासखंड के किसान परिवार म देखे ल मिलीन,
जिहां किसान बालचंद साहू ह परम्परागत खेती के इतर मछली पालन म संभावना ल तलास के उम्मीद के मुताबिक सफलता पाइन हे । मछली पालन ले आर्थिक समृद्धि के ओर कदम बढ़ाके ये किसान परिवार ह अपन दैनिक जरूरत के आलावा दुसरइया भौतिक सुविधा के सपना ल घलो पूरा करत हे ।
गौरतलब हे कि (chhattisgarh ) राज्य म नवा सरकार ह मत्स्य पालन ल कृषि के दर्जा देहे । एखर बाद प्रदेस के कई ठीन हिस्सा म छोटे अउ मझोले किसान मन क धान अउ गेंहू जइसे परम्परागत खेती के आलावा मछली पालन जइसे उपाय अपनात हे । राज्य के संग दूसर राज्य म अच्छा बाजार मिले के सेती ए किसान मन ल बेहतर आमदनी घलो होवत हे ।
इही म ले एक गरियाबंद के ग्रामीण अंचल के किसान बालचंद बतावत हे कि ओखर 18 एकड़ के पुस्तैनी जमीन हे । लम्बे बेरा तक ओ हा अपन जमीन म धान के फसल ल लेत रिहीन , लेकिन ओमन ल लागत के अपेक्षा लाभ कमती ही हो पात रिहीन।
अइसे म राज्य सरकार के योजना अउ प्रोत्साहन ले वो हा मत्स्य पालन के सोचीन। (chhattisgarh ) किसान बालचंद ह पहले अपन एक हेक्टेयर जमीन म तालाब के निर्माण कराइन अउ मत्स्य विभाग के अधिकारी मन के मार्गदर्सन म मछली पालन करे ल सुरु करीन। मत्स्य पालन विभाग डहार ले ओमन ल बच्छर 2019-20 म राष्ट्रीय कृषक विकास योजना अंतर्गत 40 प्रतिशत के दर ले अनुदान रासि 2.80 लाख रुपिया स्वीकृत करे गीस । ये रासि ले वो हा स्वयं के तालाब म मत्स्य पालन के विस्तार ल करीस । अक्टूबर 2020 म वो हा 50 टन मत्स्य उत्पादन कर बाजार म बिक्री कर अच्छा आमदनी अर्जित करीन ।
