जय जोहार। (Raipur ) छत्तीसगढ़ सासन ह प्रदेस के तीन ठीन सिंचाई परियोजना के काम ल कराय बर 29 करोड़ 64 लाख 7 हजार रुपिया स्वीकृत करे हे। ए सिंचाई योजना के पूरा होय ले 2217 हेक्टेयर क्षेत्र म सिंचाई सुविधा क्षेत्रीय किसान मन ल मिल सकही।
स्वीकृत सिंचाई योजना म राजनांदगांव जिला के विकासखण्ड-डोंगरगढ़ के जामरी व्यपवर्तन क्रमांक-02 (नाबार्ड) नहर लाईनिंग काम बर 13 करोड़ 39 लाख 14 हजार रुपिया स्वीकृत करे गेहे । ए योजना के पूरा होय ले 850 हेक्टेयर क्षेत्र म सिंचाई सुविधा मिल सकही । विकासखण्ड-डोंगरगढ़ के देवकट्टा जलाशय नहर लाईनिंग काम बर 7 करोड़ 52 लाख 38 हजार रुपिया स्वीकृत करे गेहे ।
ए योजना के पूरा होय ले 1187 हेक्टेयर क्षेत्र म सिंचाई सुविधा मिल सकही । अइसने कोरबा जिला के विकासखण्ड-पोड़ी-उपरोड़ा के तान नदी म पचरा एनीकट निर्माण काम बर 8 करोड़ 72 लाख 55 हजार रुपिया स्वीकृत करे गेहे । ए योजना के पूरा होय ले 180 हेक्टेयर क्षेत्र म सिंचाई सुविधा मिल सकही ।
Other Articles
No Comment! Be the first one.