chhattisgarh : कृषि क्षेत्र म सिंचाई रकबा ल बढ़ाय बर होय हे 467.50 लाख रुपिया स्वीकृत, पढ़व
जय जोहार…. (chhattisgarh ) राज्य सरकार ह कृषि क्षेत्र म सिंचाई के रकबा बढ़ाय बर अधोसंरचना निर्माण के संग सबो जरूरी संसाधन ल उपलब्ध करावत हे। इहीं क्रम म जल संसाधन विभाग डहार ले रईपुर अउ कोरबा जिला म सिंचाई विस्तार बर 467.50 लाख रुपिया स्वीकृत करे गेहे। सिंचाई विस्तार के ये काम पूरा होय ले लगभग 1735 हेक्टेयर क्षेत्र म किसान मन ल सिंचाई के सुविधा मिलही।
जल संसाधन विभाग (chhattisgarh ) डहार ले मिले जानकारी के अनुसार रईपुर जिला के विकासखण्ड आरंग के कोसरंगी जलासय के जीर्णोंधार अउ नहर लाइनिंग काम बर 399.69 लाख रुपिया अउ कोरबा जिला के विकासखण्ड पाली के कांजीपानी व्यपवर्तन के शीर्ष अउ नहर संरचना के मरम्मत काम बर 67.81 लाख रुपिया के प्रसासकीय स्वीकृति दे गेहे ।
