रायपुर: विधि मंत्री रविंद्र चौबे ह कहिन के, ‘आरएसएस के एक भी मेंबर मोर सिग्नेचर ले नइ बनही सरकारी वकील’. ए बात उमन कांग्रेस के वकील कार्यकर्ता मन के, ओ मांग ल लेके कहिन,जेमा ए आरोप लगे रहिस के पूर्व म कांग्रेस ह सरकारी वकील मन के नियुक्ति म भाजपा अउ आरएसएस के कार्यकर्ता मन ल सामिल करे जाही.
कांग्रेस के प्रदेश कार्यालय राजीव भवन म विधि प्रकोष्ठ के सम्मेलन आयोजित करेगे रिहिस हे. जेमा प्रदेशभर के विधि प्रकोष्ठ के पदाधिकारी अउ कार्यकर्ता सामिल होए रहिन. विधि मंत्री रविंद्र चौबे घलो ए बइठक म सामिल होइन.
सरकारी वकील के नियुक्ति म आपlति बइठक के दउरान पाछू दिन मन म कुछु सरकारी वकील मन के नियुक्ति ल लेके आपत्ति जताए गिस. एला लेके विधि प्रकोष्ठ के कार्यकर्ता काफी आक्रोशित रहिन हे. ए बात ल लेके किरणमयी नायक ह मंच ले ही मंत्री रविंद्र चौबे ले चर्चा करिन.जेखर बाद रविंद्र चौबे ह किरणमयी नायक बात ले सहमति जताइस..
‘ए मन ल इस्तीफा दे देना चाही’
किरणमयी नायक ह बताइन के ‘पाछू 15 बछर ले जनता भारतीय जनता पार्टी के शासन मे जे सरकारी वकील शासकीय काम करत रहिन हे. उमन कांग्रेस शासनकाल म घलो ए पद मन बर दावा करत हे. ए लोगन मन ल अब तक इस्तीफा दे देना चाही.’
