Chhattisgarh : अब 550 रुपया म होही आरटीपीसीआर जांच, स्वास्थ्य विभाग ह जारी करिन आदेश

जय जोहार…. (Chhattisgarh) राज्य सरकार ह मनखे मन ल राहत दे बर निजी पैथोलाजी लैब अउ अस्पताल म कोविड 19 के जांच बर आरटीपीसीआर अऊ एंटीजन रैपिड टेस्ट के दर म कमी करे हे। निजी लैब अउ अस्पताल म रैपिड एंटीजन टेस्ट बर 150 रुपया के शुल्क तय करे गे हे।

एमा जांच, कन्जुमेबल्स, पीपीई किट शुल्क सामिल हे। (Chhattisgarh) उहचे प्रदेश के लैब अउ अस्पताल म आरटीपीसीआर जांच बर 550 रुपया के दर तय करे गे हे। दुनो जांच बर संभावित मरीज के घर ले सैंपल संकलित करे जाये म अतिरिक्त शुल्क 200 रुपया ले जाही। ट्रूनाट टेस्ट बर जांच शुल्क 1300 रुपया अऊ मरीज के घर जाके ले म 200 रुपया अतिरिक्त लगही।

(Chhattisgarh) स्वास्थ्य विभाग ह मंगलवार के ए संबंध म आदेश जारी करे हे। एमा कहे गे हे कि सबो निजी चिकित्सालय अउ पैथालाजी केंद्र म जांच दर के मरीज प्रतीक्षालय, बिलिंग काउंटर म प्रदर्शित करे जाना अनिवार्य होही। ये आदेश छत्तीसगढ़ एपिडेमिक डीजिस कोविड 19 रेगुलेशन 2020 के कंडिका 3 के अउ महामारी अधिनियम 1887 की कंडिका 2 के तहत प्रदत्त शक्ति के प्रयोग करत हुये जारी करे गे है।