हीरापुर के कन्टेनमेंट जोन एरिया ल करे गे हे सेनेटाइज

जय जोहार…. रायपुर नगर निगम के अविनाश प्राइड आवासीय परिसर म नवा कोरोना पाजिटिव मरीज मिले के बाद ए क्षेत्र ल कन्टेनमेंट जोन घोसित करे गे हे। कोरोना वायरस संक्रमण के फैलाव म रोकथाम बर ए क्षेत्र म सेनेटाइजर स्प्रे, चुना अऊ ब्लीचिंग फाउडर के छि़ड़काव कर सेनेटाइज करे गिस।
ए अवसर पर जोन कमिश्नर अरुण ध्रुव, जोन कार्यपालन अभियंता राकेश गुप्ता, जोन स्वास्थ्य अधिकारी आत्मा साहू आदि उपस्थित रहिन। ए क्रम ह जिला प्रशासन के आदेश के अनुसार स्वास्थ्य विभाग के टीम के माध्यम ले अवइया 14 दिन तक जारी रही। ए दौरान जोन स्वास्थ्य विभाग के टीम के तरफ ले रोज शाम के पुरा कन्टेनमेंट जोन म फांगिंग अभियान ल चलाय जाही।