chhattisgarh : मैनपाट महोत्सव ले सरगुजा अंचल ल मिलत हे नवा पहचानः अमरजीत भगत

जय जोहार। (chhattisgarh) संस्कृति मंत्री अमरजीत भगत ह किहीन कि मैनपाट महोत्सव के भव्यता सरलग बढ़त जावत हे। छत्तीसगढ़ी के संस्कृति ल सहेजे अउ सवारे म ये महोत्सव काफी सफल होए हे । ए महोत्सव म सरगुजा अंचल ल नवा पहचान दीन हे । महोत्सव ले लोक कलाकार अउ रंगकर्मी ल बेहतर मंच मिले हे । संस्कृति मंत्री श्री भगत ह आज सरगुजा जिला के मैनपाट म आयोजित तीन दिनी “मैनपाट महोत्सव“ महोत्सव के समापन समारोह ल संबोधित करत रिहीन ।

संस्कृति मंत्री श्री भगत ह किहीन कि मैनपाट म पर्यटन सुविधा के सरलग विस्तार होवत हे । इंहा हवाई पट्टी बने ले सुविधा अउ बढ़ही । संगेसंग सैलानी घलो बड़ अकन संख्या म आही। ए मउका म खाद्य आयोग के अध्यक्ष गुरप्रीत सिंह बाबरा, पुलिस महानिरीक्षक रामगोपाल गर्ग, कलेक्टर कुन्दन कुमार, पुलिस अधीक्षक श्रीमती भावना गुप्ता अउ जिला पंचायत सीईओ विश्वदीप उपस्थित रिहीन ।

समापन अवसर म बॉलीवुड सिंगर अउ पंजाबी रॉक स्टार दलेर मेहंदी ह कई ठीन लोकप्रिय गीत के प्रस्तुति दीन। पंजाबी रॉक स्टार ह देस भक्ति गीत के रंग दे बसंती चोला प्रस्तुति म मनखे मन ह तिरंगा झंडा लहराके खुसी जाहिर करीन । समारोह म छत्तीसगढ़ी गायिका अलका परघनिया, जसगीत गायक दिलीप षडंगी, रंग-झरोखा के दुष्यंत हरमुख अउ सौरव वैभव ह घलो प्रस्तुति दीन ।