स्कूल म तालाबंदी के सिलसिला सुरु हो गिस 

गरियाबंद। जिला म सिक्छा सत्र के सुरु होत ही ब्यवस्था ल लेके स्कूल म तालाबंदी के सिलसिला घलो सुरु हो गिस हे। सिक्छक मन के मांग ल लेके अविभावक मन लइका मन के संग मिलके देवभोग के घुमरगुडा माध्यमिक साला म तालाबंदी करिन। उहें लइका मन के कहना हे कि, स्कूल म सिक्छक के कमी के चलत ओममन के पढ़ाई प्रभावित होत हे। एला लेके जम्मों मन स्थानीय बिधायक ल अवगत घलो कराइन। फेर बिधायक के आस्वासन के बाद घलो सिक्छक मन के ब्यवस्था नइ हो पाइस। जेकर बाद स्कूल म तालाबंदी करे बर पड़िस।