chhattisgarh : स्कूली लईका मन ल करे जाही 38 दिन के रासन के वितरण, पढ़व

जय जोहार…. (chhattisgarh) मुख्यमंत्री भूपेश बघेल के निर्देस के तहत प्रदेस के सबो स्कूली लईका मन ल कोरोना संक्रमण काल म घलो मध्यान्ह भोजन योजना के अंतर्गत सूखा रासन के वितरण करे जावत हे। स्कूल सिक्षा मंत्री डॉ. प्रेमसाय सिंह टेकाम ह बताइन कि राज्य सासन के निर्णय अनुसार कोविड-19 के संक्रमण के सेती शाला के बंद रहे के बेरा 16 जून ले 31 जुलाई तक 38 दिन के मध्यान्ह भोजन के सूखा रासन स्कूली लईका मन ल खाद्य सुरक्षा भत्ता के रूप म वितरण करे जाही।

सूखा रासन सामग्री के वितरण ल स्कूल अथवा घर-घर पहुंचा के दे के निर्देस दे गेहे। (chhattisgarh) वितरण के दउरान लईका या पालक मन के मध्य सामाजिक दूरी बनाए रखे जाही। ए संबंध म आयुक्त लोक शिक्षण डॉ. कमलप्रीत सिंह ह सबो जिला सिक्षा अधिकारी मन ल दिसा-निर्देस जारी करे हे।

सूखा रासन सामग्री वितरण बर जारी निर्देस म केहे गेहे कि मध्यान्ह भोजन योजना के गाईडलाइन के अनुसार कक्षा पहली ले 8वीं तक के ओ लईका मन ल जेखर नाव सासकीय शाला, अनुदान प्राप्त असासकीय शाला अथवा मदरसा-मकतबा म दर्ज हे, (chhattisgarh) ओमन ल मध्यान्ह भोजन दे जाए। सूखा रासन वितरण म लईका मन ल चावल, दाल अउ तेल की मात्रा भारत सरकार डहार ले निर्धारित मात्रा ले कमती नई होना चाही।