नवनीत शुक्ला/मुंगेली । जिला म सिक्छा सत्र के सुरुवात होय के बेरा आ गे हे । 18 जून ले नवा सत्र ह चालू होही । ओकर पहिली मुंगेली ले 15 किमी दुरिहा के गांव पंडरभट्टा म होइस घटना ह सिक्छा विभाग के हकीकत ल आगू लाइस हो। जिहां हमर प्रदेश के मुखिया हर अपन विकास यात्रा के शुरुआत करे रहिस । लगभग 2 दिन पहिली चले हवा ले स्कूल म लगे टीना के छत ह उड़ागे। ये तो किस्मत के बात रहिस कि तिरतिहार म कखरो घर दुवार नइ रहिस अउ लइकन मन के घलौक छूट्टी चलत हे । नइ त कुछु घटना हो सकत रहिस हे। येकर अलावा जिला म कई ठन अइसने स्कूल हे जिहां के हालत ह खराब हे । पर विभाग के अनदेखी के चलत इंहा के लइकन मन के भविष्य अउ जान दुनो खतरा म हे ।
