भारी गरमी ले बाढ़ गे स्कूल खुले के बेरा, सीएम के निर्देश म जारी होईस आदेस

मुख्यमंत्री भूपेश बघेल कोती ले प्रदेश म भीषण गर्मी अऊ लू ले लईका मन के सुरक्षा बर ग्रीष्मकालीन अवकाश बढ़ाए के निर्देश के बाद छत्तीसगढ़ शासन के स्कूल शिक्षा विभाग कोती ले आदेस जारी कर दे गे हे। अब गरमी के अवकाश के अवधि 16 जून ले 25 जून तक बढ़ा दे गे हे। 16 जून के खुलईया स्कूल ह अब 26 जून ले खोले जाही।

स्कूल शिक्षा विभाग कोती ले जारी आदेश म कहे गे हे कि अभी के बेरा म राज्य म पड़त भीषण गर्मी अऊ लू ल धियान म रखत राज्य सरकार ह ग्रीष्मकालीन अवकाश के बेरा म 16 जून 2023 के बजाय 25 जून 2023 तक वृद्धि करत हे। प्रदेश म शाला मन अब 26 जून 2023 ले प्रारंभ होही।