विधानसभा : स्कूल मन के मध्यान्ह भोजन के मामला  उठिस

रायपुर: विधानसभा बजट सत्र म चर्चा म स्कूल मन के मध्यान्ह भोजन के मामला  उठिस. विधायक ह मध्यान्ह भोजन म कटौती ले स्कूल मन म लइका मन के संख्या घटे के बात कहिन, जवाब म मंत्री ह अंग्रेजी प्राइवेट स्कूल मन म प्रवेश ले के वजह ल लइका मन के संख्या कम होना बताइस.

जनता कांग्रेस छत्तीसगढ़ पार्टी विधायक दल के नेता धर्मजीत सिंह ह मुद्दा उठात हुए कहिन के, बिलासपुर संभाग म संचालित मध्याह्न भोजन म कटौती करे गे हे. जेखर ले स्कूल मन म लइका मन के संख्या कम होवत हे. एखर बर खाना बनइया एनजीओ उपर कार्रवाई करे के मांग करिन.

शिक्षा मंत्री प्रेमसाय सिंह टेकाम ह जवाब म कहिन, स्कूल मन म लइका मन के संख्या एखर सेती कम होवत हे. काबर के अभिभावक अपन लइका मन ल अंग्रेजी प्राइवेट स्कूल म दाखिल करवात हे. बिलासपुर संभाग म 10,555 शासकीय शाला अउ 153 अनुदान प्राप्त अशासकीय शाला म मध्याह्न भोजना योजना संचालित होवत हे.

स्कूल शिक्षा मंत्री ह ए घलो कहिन, एनजीओ मध्यान्ह भोजन वितरन करत हे. उंखर जांच करवाएं जाही, अउ लइका मन ल गुणवत्तायुक्त भोजन मिलही, एखर बेवस्था करे जाही.