ह छात्र मन के उज्जवल भविष्य के कामना करिस भूपेश बघेल

रायपुर. प्रदेश म शुक्रवार ले दसवीं के बोर्ड परीक्षा अउ बारहवीं के परीक्षा काली ले शुरू होही. बोर्ड एग्जाम फीवर ल कम करे बर मुख्यमंत्री भूपेश बघेल ह छात्र मन के उज्जवल भविष्य के कामना करत        हुए संदेश ट्वीट करिन हे.

ए ट्वीट म बघेल ह लिखिन ‘छत्तीसगढ़ माध्यमिक शिक्षा मंडल के दसवीं
अउ बारहवीं बोर्ड के परीक्षा म सामिल होवइया सबो परीक्षार्थी मन ल मोर
कोती ले अनंत शुभकामनाएं। तनाव म न रहव अउ भय मुक्त हो के परीक्षा देवव।
कड़ा मेहनत ह सफलता के एकमात्र कुंजी हवय। आप सबो विद्यार्थी मन के
उज्जवल भविष्य के कामना करत हव.‘

बता दें कि कक्षा दसवीं के परीक्षार्थी बर प्रदेश भर म 2231 परीक्षा
केन्द्र बनाए गे हे. एमा रायपुर जिला म 141 केन्द्र हवय. राज्य म 126
परीक्षा केन्द्र अइसे हवय, जेखर पहिचान संवेदनशील के रूप म हवय. अउ 60
अति संवेदनशील परीक्षा केन्द्र हे. ए परीक्षा केन्द्र मन पुलिस के पैनी
नजर रहही. कक्षा 10वीं बोर्ड के परीक्षा म 3 लाख 88 हजार 320
छात्र-छात्रा मन सामिल होवत हे.

उहें कक्षा 12वीं के परीक्षा 2 मार्च ल सुरू होही, जेमा 2 लाख 62 हजार
491 परीक्षार्थी सामिल होही. रायपुर जिला म ही काली 30851 परीक्षार्थी
सामिल होही. उड़नदस्ता के 204 टीमे गठित करे गे हे. परीक्षा बिहनिया 9
बजे ले साढ़े 12 बजे तक चलही. छत्तीसगढ़ माध्यमिक शिक्षा मंडल के सचिव
व्हीके गोयल ह बताइस, परीक्षा के तइयारी पूरा हवय. बेरा म सुरक्षित तरीका
ले परीक्षा सुरू हो जाही.