mahasamund : लैब सामाग्री ले लैस होही पीजी कॉलेज के विज्ञान संकाय, नवा कम्प्यूटर लैब के घलो स्थापना
जय जोहार। (mahasamund ) सासकीय महाप्रभु वल्लभाचार्य स्नातकोत्तर महाविद्यालय के विज्ञान संकाय म चार लाख 70 हजार रुपिया के लागत ले लैब सामाग्री क्रय करे जाही । उहें वाणिज्य संकाय म नवा कम्प्यूटर लैब के स्थापना करे जाही । पीजी कॉलेज के जनभागीदारी समिति के बइठक म ये निर्णय ले गेहे।
(mahasamund ) बुधवार के पीजी कॉलेज म जनभागीदारी समिति के बइठक अध्यक्ष अउ संसदीय सचिव विनोद सेवनलाल चंद्राकर के अध्यक्षता म होइन। जेमा प्रभारी अधिकारी डॉ दुर्गावती भारतीय ह पिछले बछर के आय-व्यय के जानकारी दीन। संगेसंग आज होइन बइठक के एजेंडे के जानकारी दीन । जेमा कॉलेज अउ विद्यार्थी मन के हित ल धियान म रखत हुये प्रस्ताव म अध्यक्ष श्री चंद्राकर ह सहमति प्रदान करीन।
बइठक के दउरान विज्ञान संकाय के रसायन शास्त्र बर एक लाख, गणित बर पचास हजार, भौतिकी बर 70 हजार, वनस्पति शास्त्र अउ प्राणीशास्त्र बर 60-60 हजार रुपिया, भूगोल विभाग बर एक लाख तीस हजार रुपिया के लैब सामाग्री क्रय करे के निर्णय ले गेहे।
बइठक म जनभागीदारी समिति के सचिव अउ प्रभारी प्राचार्य डा अनुसूईया अग्रवाल, दाउलाल चंद्राकर, संजय शर्मा, हरिकृष्ण भार्गव, किशन देवांगन, गौरव चंद्राकर, योगेश गंडेचा, रमाकांत गायकवाड़, अमन चंद्राकर, डॉ ईपी चेलक, अजय राजा, राजेश शर्मा मौजूद रिहीन।
