पहुंचविहीन शासकीय भवन ल पक्का रद्दा ले जोड़े बर 4.17 करोड़ के दूसर किस्त होइस जारी
जय जोहार…. मुख्यमंत्री सुगम सड़क योजना के तहत प्रदेश के पहुंचविहीन शासकीय भवन ल पक्का रद्दा ले जोड़े बर 4 करोड़ 17 लाख 30 हजार रूपिया के दूसर किस्त ल जारी करे गे हे।
एला मिला के दू किस्त म 167 कार्य बर 9 करोड़ 12 लाख 88 हजार के स्वीकृति ल प्रदान करे गे हे।
एखर बर लोक निर्माण विभाग ल उपलब्ध आवंटन वर्ष 2020-21 म ले 200 करोड़ के उपयोग कर पहुंच विहीन शासकीय भवन ल पक्का रद्दा ले जोड़े के कार्य ह प्रस्तावित हे।
प्रमुख अभियंता कार्यालय के तरफ ले मुख्य अभियंता लोक निर्माण विभाग परिक्षेत्र ल जारी दूसर किस्त म मानपुर-मोहला विधानसभा क्षेत्र म 60 कार्य बर 2 करोड़ 2 लाख 80 हजार रूपिया अउ कांकेर विधानसभा क्षेत्र म 58 कार्य बर 2 करोड़ 14 लाख 50 हजार रूपिया शामिल हे। ए कार्य ले 16 हजार 50 मीटर पक्का रद्दा के निर्माण ह प्रस्तावित हे।
