Raipur म दुसरइया योगाभ्यास केंद्र के होय हे सुभारंभ, 150 मनखे मन ह करीन योग

जय जोहार…. (Raipur) छत्तीसगढ़ योग आयोग डहार ले रईपुर के कामरेड सुधीर मुखर्जी वार्ड म आज योगाभ्यास केन्द्र का सुभारंभ करे गेहे। कारीकरम म योग आयोग के अध्यक्ष ज्ञानेश शर्मा सामिल होइन हे। कारीकरम के अध्यक्षता ल वार्ड पार्षद उमा चन्द्रहास निर्मलकर ह करीन।

(Raipur) बोरियाखुर्द के सासकीय प्राथमिक शाला भवन परिसर म आयोजित मुफत नियमित योगाभ्यास कक्षा के पाहिला दिन 150 ले जादा मनखे मन ह योगाभ्यास करीन। ए अवसर म आयोग के सचिव एम.एल. पांडेय, योग प्रसिक्षक सहित योग आयोग के कर्मचारी ह उपस्थित रिहीन।

अब वार्ड म योग प्रसिक्षक लच्छुराम निषाद डहार ले हरेक दिन बिहनिया 6 ले 7 बजे तक मुफत योगाभ्यास सिखाए जाही, (Raipur) जेमा सबो मनखे मन ह भाग ले सकत हे।