Chhattisgarh म सरलघा होवत हे बारिश, सीएम ह सबो कलेक्टर अउ पुलिस अधीक्षक ल सतर्क रहे के दे हे निर्देश

जय जोहार…. छत्तीसगढ़ (chhattisgarh) म सरलघा बरसात होवत हे। एला देखत हुये सीएम भूपेश बघेल ह सबाे जिला कलेक्टर अउ पुलिस अधीक्षक ल सतर्क रहे के निर्देश दे हे। संगेसंग प्रभावित क्षेत्र म बाढ़ म नजर रखत हुये आवश्यक उपाय ल सुनिश्चित करे ल कहे हे।
(chhaattisgarh) सीएम भूपेश बघेल ह प्रभावित इलाका म यदि कोई क्षति होय हे, त ओखर शीघ्र आकलन करे अउ प्रभावित मन ल तुरंत आवश्यक सहायता मुहैया कराय ल कहे हे।
सीएम भूपेश बघेल ह कहिन कि बारिश ल देखत हुए सबो नियंत्रण कक्ष ह मुस्तैद रहे। नदी-नाला के पानी म निरंतर नजर रखे जाए। (chhattisgarh) बारिश के दौरान जल जनित रोग ल देखत हुये सबो आवश्यक चिकित्सीय व्यवस्था ल सुनिश्चित करे जाए।